Г1алг1айче таьзет д1адахар бокса, кикбоксинга лаьрх1а волча Россе тренера Чапанов Руслана
Вай мехкахошта а, из вовзаш хиннача кхыча къаман наха а хала кхаъ хилар бокса, кикбоксинга Россе лаьрх1а вола тренер Чапанов Руслан д1акхалхарах.
Г1алг1айче бокса школа хьакхоллаш хьалха лаьтта ц1ихеза тренер 77 шу даьнна вар.
Вай мехкара дукха дунен а олимпийский а чемпионаш кхебаь тренер, Россе лаьрх1а вола физически культура болхло т1ехьарча хана могаш воацаш хиннав.
Российски а, Г1алг1айчен а спорта боккха эшам хиннаб Чапанов Руслан д1акхалхарах, бакъда шийна т1ехьа спортивни вахаре йоккха толаме лар йитай цо.
Вам может быть интересно:
