Серби д1айихьача греко-римски латарах йолча Европа хьалхле лакха толам баьккхар вай мехкахочо
Хоза кхаъ хилар укх деношка спорт дукха мел езача вай мехкахошта.
Укх деношка Серби д1айихьача греко-римски латарах йолча Европа хьалхле лакха толам баьккхар вай мехкахочо, «Ади-Ахьмад» яхача спортивни клуба латархочо Костоев Асланбека.
Дунен массайолча ми1ингера яхьашка дакъа лаьцача дикаг1а болча спортсменашта юкъе лакха хьокхам болаш белгалваьнна ц1авенача толамхочун духьал бахар Г1Р спортивни латарах йолча Федераце президент Белхароев Руслан, тренер, спортсменаш, гаргара нах.
Шолжа-Пхьерча, Осканов С. ц1ераг1арча «Магас» аэропорте д1адихьача в1шаг1кхетаре хилар тха съемочни тоаба а.
Вам может быть интересно:
